En Ougande i kondann 12-an prizon pour lenportasyon drog |02 July 2022
Lakour Siprenm in kondann Faisal Ismail Dubo, en zonm Ougande aze 42-an, en term 12-an prizon.
Dubo ti pled koupab pour sarz kont li, pour lofans lenportasyon en drog kontrole (985.43 granm drog eroin).
Peryod letan ki Dubo in pase lo rimann pou ganny tire dan son term prizon.
Dubo ti ariv Erport Enternasyonal Sesel le 2 Fevriye 2022, sorti Ouganda atraver Addis Ababa, Letyopi, lo en vol ‘Ethiopian Airline’ avek sa drog ki i ti’n anvale.
I ti answit ganny entersepte par Zofisye Biro Anti-Narkotik (ANB) dan Lafors Lapolis Sesel avek lentervansyon zofisye Imigrasyon ek Ladwann.
Kominike sorti kot departman lapolis