Laplikasyon ek prosesis admisyon dan Lekol Letid Avanse ek sant profesyonnel |12 February 2022
Minister Ledikasyon i oule enform touetidyan ki lannen pase ti fer laplikasyon pour swiv en progranm dan Lekol Letid Avanse (SALS) oubyen sant profesyonnel, ki zot kapab raport kot lekol segonder kot zot ti konplet zot S5 2021, aparti Lendi le 14 Fevriye 2022, 10er bomaten ziska midi, pour zot vin kolekte rezilta zot laplikasyon.
Bann etidyan ki pa ti fer laplikasyon atraver zot lekol, zot pe ganny demande pour raport kot lofis Minister Ledikasyon Lendi le 14 Fevriye 2022 10er bomaten ziska midi pour vwar zofisye responsab.
Minister in enformen ki bann aplikan ‘Mature Candidates’ ki’n fini lekol segonder avan 2021, zot pou ganny rezilta zot laplikasyon byento par sa lenstitisyon kot zot in fer zot laplikasyon.
Kominike sorti kot Minister Ledikasyon