Lapolis pe rod en dimoun ki’n prezimen ganny morde avek lisyen |20 October 2021

Lapolis pe konfirmen ki in konmans en lanket dan en ka ki’n ganny raporte avek zot ver 8er52 bomaten yer.

Dapre rapor, en madanm dan distrik Anse Aux Pins in dir ki i paret annan en dimoun ki’n resevwar en blesir grav apre ki in antre lo son propriyete e paret ki lisyen in mord li apre in taye. Serten latras prezimen disan in ganny vwar lo sa propriyete e lesantiyon in ganny pran pour analiz.

Lapolis pe demann okenn dimoun ki’n vwar ou okouran en tel dimoun ki’n ganny blese pour silvouple pran kontak avek sant komann lo 4288000 oubyen 133.

Kominike sorti kot departman lapolis