Sirondann Zanbaget! |13 October 2021

 Letan rakonter i dir: «Sirondann».

Bann ki pe ekoute i reponn: «Zanbaget».

Lontan, lontan menm, anler dan leo dan bann pti lakaz an bwa borde avek fey lantannyen ti pas bokou keksoz drol.

Mon asire nou’n tann plizyer bann zistwar ki konmans dan en tel fason.

Eski ou, ou konn bann tel zistwar?

Si wi, pran ou bolpenn ek papye oubyen menn alim ou ordinater e konmans tipe.

Rakont nou ou zistwar an Kreol Seselwa dan pa plis ki 700 mo.

Vi ki le 28 Oktob i lazournen enternasyonal Kreol proklanmen par UNESCO (Lorganizasyon Nasyon Zini pour Ledikasyon, Lasyans ek Kiltir), e le 31 Oktob i zour Halloween, zournal Seychelles NATION pou profit sa lokazyon pour pibliy serten sa bann zistwar e petet tou.

Alors pa perdi plis letan, ekri ou zistwar e anvoy kot nou lo ladres swivan :

Editer Zournal Seychelles NATION

Bwat Postal 800

Viktorya, Mae

Sesel

Ladres kouryel : seynat@seychelles.net nation@seychelles.net