4enm konpetisyon enter-skoler ladans kanmtole ek romans |11 August 2016

Anse Boileau segonder meyer lekol

Anse Boileau segonder in fini konman meyer lekol pour sa kategori dan 4enm konpetisyon enter-skoler ladans kanmtole ek romans ki ti fer resaman.

Si Anse Boileau segonder in fini konman meyer lekol pour tou le de konpetisyon –savedir ladans kanmtole ek romans – lekol Anse Boileau primer li in fini konman meyer lekol dan sa kategori pour ladans. Lo kote romans pour kategori primer se lekol Perseverans ki gran venker.

Pour kategori pos-segonder gran venker dan ladans i Lekol Lar Vizyel (SIAD) tandis ki lo kote romans se lekol SITE (Seychelles Institute for Teacher Education) ki’n sorti premye.

Sa 4enm konpetisyon enter-skoler ladans kanmtole ek romans ki ti deroul dan Sant Konferans Enternasyonal Sesel (ICCS) ti en lokazyon pour bann etidyan montre zot talan dan diferan tip ladans kanmtole osi byen ki sant romans.

Dan konpetisyon kanmtole bann etidyan ti perform ladans kotis senp, vals, kotis doub, mazok, dozado, kotis anglisan, polka ek men-gos men-drwat.

Lalis detaye bann gannyan dan sa 4enm konpetisyon enter-skoler ladans kanmtole ek romans i konm swivan :

KANMTOLE

Ladans kotis senp kategori primer :

• · 1er Anse Boileau
• · 2enm Anse Etoile
• · 3enm Beau Vallon

Ladans vals kategori primer:

• · 1er Beau Vallon
• · 2enm Anse Etoile
• · 3enm Anse Boileau

Ladans final kategori primer:

• · 1er Plaisance
• ·2enm Anse Boileau
• · 3enm Grand Anse ek Beau Vallon

Gran gannyan pour kategori primer: Anse Boileau.

Ladans mazok kategori segonder:

• · 1er Anse Boileau
• · 2enm Beau Vallon
• · 3enm Plaisance

Ladans kotis doub kategori segonder:

• · 1er Belonie
• · 2enm Anse Boileau
• · 3enm Beau Vallon

Ladans dozado kategori segonder:

• · 1er Anse Boileau
• · 2enm Anse Royale
• · 3enm Plaisance

Gran gannyan pour kategori segonder : Anse Boileau.

Ladans kotis anglisan kategori pos-segonder:

• · 1er SIAD (Lekol Lar Vizyel)
• · 2enm STA (Lakademi Tourizm)
• · 3enm NIHSS (Lenstiti Nasyonal pour Letid Lasante ek Sosyal)

Ladans polka kategori pos-segonder:

• ·1er SITE (Lenstiti pour Ledikasyon Ansennyan)
• · 2enm SIAD
• · 3enm SBSA (Lekol pour Letid Biznes ek Kontabilite)

Ladans men-gos men-drwat kategori pos-segonder:

• · 1er SITE
• · 2nd SIAD
• · 3rd SALS (Lekol pour Letid Avanse)

Gran gannyan pour kategori pos-segonder : SIAD

ROMANS

Gran gannyan pour romans :

• Kategori primer: Perseverance

• · Kategori segonder: Anse Boileau
• · Kategori pos-segonder: SITE