Dife i bril de lakaz St Louis |04 August 2016

Dife ti konpletman detri de lakaz an tol yer bomaten dan distrik St Louis.

Sa de lakaz ti enn ase gran – lazans servis tenny dife ek sovtaz pa’n kapab presize ki grander – e lot enn pli pti ki ti lanmenm akote.

Dapre zofisye relasyon piblik kot sa lazans, Jones Madeleine, avan ki zot ti ganny alerte lo sa lensidan zot ti pe apersevwar gro lafimen ki ti pe sorti anler St Louis e de gro masin tenny dife avek 10 zonm ti ganny deplwaye, avek en lot masin pour asiste avek delo. Zot ti ganny alerte lo sa lensidan par en vwazen ver 10er03 bomaten.

Msye Madeleine ti dir ki ler zot ti arive lakaz ti’n fini bril net, e ti pran zot 45 minit pour arive tenny sa dife.

En lanket in ouver dan sa lensidan.