Konpetisyon mo krwaze/mo melanze-Ganyan i resevwar zot pri |22 July 2008

Sa konpetisyon, ki ti ganny organize o nivo rezyonnal, ti regroup zanfan lekol primer sorti Cascade, Anse Royale, Pointe Larue ek Anse Aux Pins.

Son bi prensipal sete pour sansibiliz bann zanfan lo lenportans lalang maternel.

Dapre kordinater sa konpetisyon, Erica Fanchette, nivo partisipasyon ti tre o e alafen zot ti bezwen fer tiraz o sor pour desid senk ganyan dan sak lekol.

Madanm Fanchette in osi profit lokazyon pour remersye Cable & Wireless ki’n sponsoriz bann pri.

Bann ganyan sa konpetisyon i Samira Barra, Dominic René, Daria Alphonse, Diana Hoareau, Elka Zink (Anse Royale) ; Jessica Onezime, Said Joubert, Dean Lespoir, Ryan Bibi, Michaela Labonte (Cascade); Vince Hoareau, Darius Gabriel, Paul Gedéon, Dino Mirabeau, Sabrina Mathiot (Pointe Larue).

Ti napa pri pour bann partisipan Anse Aux Pins vi ki sa lekol pa ti’n soumet zot bann travay atan.