United Seychelles i kondann lapwentman Loncey Micock |15 May 2021
Parti United Seychelles in kondann “san rezerv” desizyon Prezidan Larepiblik, Msye Wavel Ramkalawan, pour apwent Loncey Micock konman “liaison” pour La Digue.
United Seychelles i panse ki sa i en lot ka politizasyon servis piblik e i pirman en rekonpans pour Loncey Micock ki’n debout konman kandida LDS pour La Digue an 2016 e 2020.
United Seychelles i dir i pa konpran rezon det pour annan en trwazyenm dimoun pour siperviz La Digue kan i deza annan en manm elekte Lasanble Nasyonal e osi en administrater distrik, ki li i raport direkteman avek gouvernman.
«Dan en moman kot pei pe pas atraver bokou problenm ekonomik, United Seychelles i panse ki kreasyon en tel pos ek en gro saler i en ekstravagans ki pa abouti dan nanryen,» United Seychelles i dir dan en kominike.
«United Seychelles i demann avek gouvernman pour vin pli serye dan zesyon servis piblik e aret servi fon piblik pour rekonpans zot aktivis politik,» sa kominike i azoute.
Kominike sorti kot United Seychelles