Minister Later ek Lakaz |06 May 2021

Tou apwentman ek rankont in ganny ranvoye pour plitar

Manm piblik i ganny enformen ki anvi bann nouvo mezir par Lotorite Lasante piblik, Minister Later ek Lakaz pe anvoy bann rankont e apwentman avek piblik ek lezot lorganizasyon ki ti’n progranmen pour plitar.

Minister pou fer en revi lo sa size apre ki Lotorite Lasante piblik i pronons son lekor ankor dan de semenn.

Manm piblik pe ankor enn fwa ganny ankouraze pour kontakte sa minister atraver telefonn ouswa par email otan posib pour limit kontak ki kapab okazyon transmisyon viris Covid-19.

Anvi ranforsman bann mezir, travayer minister pe travay lo en baz rotasyon ki fer ki sa pe annan retar dan serten loperasyon.

Minister Later ek Lakaz i regret tou bann lenkonvenyans ki sa pe anmennen e remersye piblik pour zot konprenezon ek pasyans dan sa peryod.

Kominike Minister Later ek Lakaz