En zonm i ganny sarze pour koz dimal grav lo son prosen |24 March 2021

Lapolis in raporte ki en peser 38-an ki reste Bel Ombre in formelman ganny sarze devan Lakour Siprenm yer pour lofans koz dimal grav lo son kanmarad.

Sarz alternativ kont sa akize i lagresyon fizik lo zofisye lapolis, reziste larestasyon, andomaz propriyete leta e anpes lapolis fer son louvraz.

Sa bann lofans ti ganny komet kot lakour en fanmiy Dimans swar Bel Ombre apre ki lapolis ti’n reponn lapel pour lasistans swivan rapor konportman entolerab sa akize kot sa lakour.

Sa akize, ki pou aprezan repas ankour le 6 Avril, in ganny large lo serten kondisyon tel ki siny en kosyon 70,000 roupi pour asire ki i vin ankour zour ki ziz in ordonn li, i pa ganny drwa enterfer avek temwen dan sa zafer, i bezwen remet son bann dokiman vwayaz avek lakour, fodre i pa ganny sarze pour menm kalite lofans pandan letan ki i deor provizwarman e finalman i bezwen siny liv lakour kot lapolis omwen en fwa par semenn.

Kominike Lapolis