Kominikasyon sorti kot departman lapolis |05 January 2021
- Resepsyon baze ‘headquarters’ santral i fermen depi le 4 ziska le 18 Zanvye pour bann tranzaksyon parey ‘Character Certificate’ ek peyman permi pour aprann dray. Pour okenn konsern silvouple kontakte 4288041 oubyen 4288003.
- Pandan menm letan vizit pour deteni dan kaso lapolis i restrikte pour zot avoka selman.
- Apard pour bann ka ki vreman serye, manm piblik pe osi ganny demande pour evite raport an personn kot stasyon, me pour plito fer zot rapor par telefonn atraver sant komann lo 4288000.
- Kliyan ki annan ka kot ‘Internal Affairs Bureau’ pe ganny enformen ki napa ka ki pe ganny ekoute pour le moman. Sepandan konplent i kapab kontinyen ganny fer atraver sant komann santral oubyen atraver email: jen.nicette@police.gov.sc.
● Finalman manm piblik pe ganny enformen ki Biro Anti-Narkotik (ANB) dan Lafors Lapolis Sesel, pa pou pe resevwar piblik pour okenn vizit ouswa apwentman depi le 4 Zanvye ziska le 18 Zanvye 2021. Pour okenn lenformasyon oubyen swivi lo okenn lanket drog, ou kapab telefonn nimero 4611917 ant 8er a 4er, oubyen 4611909 pour okenn lezot konsern drog, ant 8er a midi.
ANB ek lapolis i remersye ou pour ou konprenezon e ou sipor kontinyel.
Kominike Lapolis