Mesaz nouvo lannen sorti kot Platform Sosyete Sivil (Ceps) |04 January 2021
Jude Fred
‘Annou kontinyen valoriz en kiltir travay dir’
«Lo lapar Platform Sosyete Sivil (Ceps) mon swet tou pep seselwa en bonn fet lannen 2021.
«La ki nou’n dir orevwar lannen 2020 avek tou son defi ki in anmenn dan nou semen, nou dir mersi nou Kreater ki’n avek Sesel pandan bann moman dir e tre difisil. En lannen kot tou Seselwa in bezwen met diferans dekote e adres bann defi ki Kovid-19 in anmenn lo nou pti pei. Se dan sa menm lespri ki nou bezwen apros lannen 2021 akoz i pa pou en leksepsyon. Enn ki vin avek bokou lensertitid, me nou bezwen annan lespwar e reste touzour vizilan, determinen e kontinyelman valoriz en kiltir travay dir.
«Platform Sosyete Sivil i donn son komitman ek langazman pour travay avek tou son bann partener pour devlopman ekonomik, sosyal pandan 2021 e bann lannen ki swiv.
Jude Fred
Tyermenn Ceps