Follow us on:

Facebook Twitter LinkedIn YouTube

Domestic

Viktim vol pe ganny demande pour vin verifye egzibit ki an posesyon lapolis |25 November 2020

Viktim vol pe ganny demande pour vin verifye egzibit ki an posesyon lapolis

Serten parmi sa bann lobze vole ki dan posesyon lapolis

An relasyon avek en seri lensidan kas lakaz e vole ki’n arive dan bann distrik otour lavil tou resaman, lanket fer par lapolis in anmenn bann zofisye fer serten larestasyon e rekiper serten bann propriyete ki ti’n ganny vole osi byen ki serten ki’n prezimen ganny vole.

An posesyon lapolis alors i serten kantite egzibit ki lapolis in sezi swivan en lafouy fer okour lenvestigasyon ki touzour an progre.

Lapolis pe alors demann bann viktim lensidan kas lakaz e vol dan rezyon lavil e Nor Mahé resaman pour kontake lofis CID, Bois De Rose pour organize e vin verifye si zot propriyete pa parmi bann ki lapolis in sezi e pe garde konman egzibit.

Sa bann lobze trouve dan portre i selman serten esantinyon ki konpri laptop, kamera, tablet, telefonn portab, bizou etc. Nimero pour telefonnen pour fer laranzman pour verifye egzibit i 2641935.

Depi ki lanket dan sa bann ka resan in konmanse, 9 dimoun antou in ganny arete e pas atraver serten prosesis, 4 in ganny anmenn ankour semenn pase kot parmi 3 zonm in ganny rimann tandis ki en madanm in ganny large lo serten kondisyon.

 

Kominike lapres sorti kot lapolis

More news