Gannyan kwiz Kreol i resevwar zot pri |24 November 2020
Bann gannyan dan en portre souvenir avek sef egzekitiv Galen Bresson ek PS Cecile Kalebi
Bann gannyan konkour kwiz Kreol alokazyon 35enm Festival Kreol in resevwar zot pri.
Sete sef egzekitiv Cinea, Galen Bresson, e sekreter prensipal (PS) pour Kiltir, Cecile Kalebi, ki ti prezant sa bann gannyan avek zot pri dan en seremoni ki ti fer Zedi pase kot departman kiltir.
Kimannyer kwiz ti deroule?
Toulezour pour en semenn 1 kestyon ti ganny poste lo paz fesbouk departman Kiltir e la bann partisipan ti annan ziska minwi menm zour pour ekrir zot larepons anba sa post.
In annan kestyon ki’n annan plizyer larepons ki parey e korek, e dan en tel sitiasyon organizater in bezwen pik bi pour selekte en gannyan pour sak kestyon.
Bann gannyan e bann kestyon ki ti ganny demande i konm swivan:
Gannyan: Renetth Do
Kestyon: Kan ki lazournen lalang Kreol ti selebre pour premye fwa?
Larepons: 28 Oktob 1983
Gannyan: Lucas Ti Dorby
Kestyon: Ki lannen ki premye Festival Kreol ti ganny selebre?
Larepons: 1985
Gannyan: Cindy Barreau Sinon
Kestyon: Kan ki versyon konstitisyon an Kreol gi ganny lanse ofisyelman?
Larepons: 16 Zen 2018
Gannyan: Hubert Matombe
Kestyon: Kan ki Mis Kreol ti fer pour premye fwa?
Larepons: 1994
Gannyan: Renetth Do
Kestyon: Kan ki Victoria ti ganny dekrir konman Kapital Lemonn Kreol?
Larepons: 31 Oktob 2013
Gannyan: Yva Louis
Kestyon: Ki lannen lorloz ti ganny enstale dan lavil Victoria?
Larepons : 1903
En kontribisyon