Mesaz di zour : Alokazyon Lazournen Enternasyonal pour Eliminasyon Lapovrete, 17 Oktob 2020 |16 October 2020
Lazournen Enternasyonal pour Eliminasyon Lapovrete ki selebre le 17 Oktob, i en lokazyon pour rekonnet zefor ek lalit dimoun ki pe viv dan lapovrete. I donn zot en sans pour eksprim zot konsern e i en moman pour fer resorti lenportans kot bann pov zot menm ki devret premye pour lit kont lapovrete e ed zot lekor pour sorti dan sa sitiasyon.
Pandan sa de dernyen semenn, zournal ‘Seychelles NATION’ in tou le zour pibliy en mesaz pratikki pou ede edik dimoun lo ki nou devret fer pour nou pa tonm dan lapovrete, oubyen pour sorti dan en sitiasyon lapovrete.
Ozordi, nou rapel zot tou sa 14 mesaz :
- Aret pares, al travay
- Aret depan lo welfer
- Ledikasyon i lakle
- Vin proprieter ou prop lakaz
- Kosonnyen i osi lapovrete
- Lasante i en dimansyon lapovrete enportan
- Aret abiz lalkol, aret servi drog
- Definir ou priorite
- Fer ou bidze
- Pa diskriminen kont ou prosen
- Prodwir sa ki ou konsonmen, konsonm sa ki ou prodwi
- Lademokrasi i kontribye pour redwir lapovrete
- Kriz lasante i ogmant lapovrete
- En zefor mondyal i neseser pour elimin lapovrete
Nou espere ki sa bann mesaz a ganny met an pratik e a vreman ede pour redwir lapovrete.
En kontribisyon Departman pou Redwir Lapovrete