Kominike Lapolis |04 May 2024
Lekor en madanm aze in ganny detere dan simityer Baie Lazare
Lapolis in konfirmen ki lekor en madanm aze 92-an sorti Grand Anse Mahé ki ti’n mor le 11 Avril 2024 e antere dan simityer Baie Lazare le 16 Avril 2024 in ganny detere.
Lapolis ti ganny alerte lo sa lensidan atraver en koudtelefonn anonim ver 10er 20 yer bomaten apre ki sa endividi ti’n apersevwar serten zimaz an sirkilasyon lo rezo sosyal.
En lanket detaye in konmanse dan sa ka e lapolis pe demann nenport endividi ki annan lenformasyon kredib lo sa lensidan pour kontakte CID Anse Royale lo 4372050 ou sant komann lapolis lo 4288000, 4288042 e laliny anonim 133 ou okenn platform lapolis atraver rezo sosyal.
Portre: Departman Lapolis