Follow us on:

Facebook Twitter LinkedIn YouTube

Domestic

En zonm i rimann pour lagresyon fizik |17 September 2021

En zonm aze 24-an ki sorti Corgat Estate, dan distrik Mont Fleuri, in ganny rimann pour 14 zour e sa i an relasyon avek en ka ki’n arive pandan wikenn dan distrik  Beau Vallon kot i ti fer lagresyon fizik lo en zonm 50-an.

Sa i swivan en video ki an sirkilasyon lo rezo sosyal kot en zonm in ganny tape.

Antretan lapolis i kontinyen avek zot lanket dan sa ka.

 

****

Lapolis i raport en ka kas batiman e vole

Lapolis in raporte ki zot in anrezistre en ka kas batiman e vole ki’n arive le 13 Septanm 2021 kot en lakonpannyen transpor Providence.

Dan sa ka, serten sonm larzan in  ganny vole e osi en pick-up valer 1.1 milyon roupi Sesel. Me plitar sa menm pick-up ti enplike dan en aksidan dan distrik Beau Vallon.

Antretan de sispe aze 14-an ‒ enn sorti dan distrik Pointe Larue e lot Union Vale ‒ in ganny arete an koneksyon avek sa lensidan.

Zot in ganny kosyonnen e large antretan ki lapolis i kontinyen avek zot lanket dan sa ka.

 

Kominike sorti kot departman lapolis

 

 

More news