Follow us on:

Facebook Twitter LinkedIn YouTube

Domestic

Azemia i kondann 2-an prizon   |11 September 2021

Jimmy Roy Azemia aze 50-an ki reste Glacis in kondann 2-an prizon pour lofans posesyon zarm, aminisyon, zouti ofansiv osi byen ki pour posesyon materyo ek sibstans servi pour koz akt destriksyon atraver dife oubyen koz lezot dega.

Azemia ti ganny arete le 23 Oktob lannen pase e apre serten letan fer lo rimann i ti ganny large lo serten kondisyon.

Swivan lanket anmennen dan sa ka, en madanm ti egalman ganny sarze e kondann en lanmann larzan pour lofans posesyon.

Ziz Lakour Siprenm ki’n rann zizman dan sa zafer in ordonnen ki letan ki Azemia in fer lo rimann i ganny dedwir lo son santans.

Azemia i akize ki’n fek ganny sarze ansanm avek en lot zonm Zedi devan Lakour Siprenm an relasyon avek lensidan lesey pour fer eksploze Stasyon Petrol Grand Anse Mahé le 28 Zen sa lannen.

 

Kominike lapolis

 

More news