En zonm i mor apre ki i ganny tape avek kouran |31 August 2015

Leonel Bijoux, en zonm 28-an ki reste Perseverance 2, ti mor Sanmdi swar apre ki i ti ganny tape avek kouran.

Sa lensidan, ki ti ariv dan zanmerant sa pti lans Perseverance 2, ti ganny raporte avek lapolis ver 8er20 Sanmdi swar.

Dapre rapor en lot zonm ti’n vin rod lasistans Bijoux pour ed li retir son bato  ki ti pe pran delo e moman ki Bijoux ti pe manivre en ayab deryer obor kabin, lebra sa ayab ti fer kontak avek kab elektrik par anler kot bato ti pe ganny tire e la kouran ti tap Msye Bijoux e zet li ater.

Msye Bijoux ti ganny sertifye mor an arivan lopital.

Lapolis in konmans en lanket dan sa lensidan trazik.