Follow us on:

Facebook Twitter LinkedIn YouTube

Archive -Brief

Kominike Lapolis |28 May 2015

Lapolis in raporte ki 3 zonm ki reste Mont Buxton, aze 35, 41 ek 45-an, in pas ankour e ganny rimann konman sispe dan en lensidan vol an servan vyolans ki ti arive ver midi  Lari Bazar Dimans pase. Dapre rapor 2 parmi sa 3 sispe ti atrap sa viktim pandan ki sa lot ti aras li son kamera. Swivan lanket lapolis in reisi rekiper sa kamera.
Sa 3 sispe, ki ti ganny arete Mardi, pou repas ankour le 2 Zen.

********
Lapolis in aret enn parmi 2 sispe dan en lot lensidan vol an servan vyolans ki’n raporte arive ver 10.40 yer bomaten Pti Barbarons.
Viktim sa lensidan, en madanm 72-an, i dir ki 2 zonm maske, abiye dan lenz nwanr, ti antre dan son lakaz, met kouto anba son likou e apre vol son bag fiyansay, bag maryaz osi byen ki son telefonn portab.

Antretan ki lapolis pe fer lanket dan sa ka, i pe demann dimoun ki annan lenformasyon ki kapab fer zot lanket mars pli vit pour pa ezite kontakte biro CID.

*******
Sa madanm 60-an sorti Port Glaud ki ti ganny tape avek bis lo terminal anvil i ankor admit dan younit swen entansif. Son kondisyon in ganny dekri koman stab. Lanket i an progre dan sa ka e la osi lapel pe ganny lanse avek bann ki’n temwanny sa aksidan pour pa ezite e vin devan pour ede konplet sa “case” pli vit posib. Zot kapab telefonn seksyon trafik.



 

 

 

» Back to Archive