Follow us on:

Facebook Twitter LinkedIn YouTube

Archive -Seychelles

Kominike Lapolis |21 August 2014

Lapolis in raporte ki en zonm 25-an ki reste La Retraite in admit dan younit swen entansif Lopital Sesel apre ki i ti perdi kontrol son transpor lo pon Cascade.

Dapre lenformasyon sa drayver ki ti li tousel dan en loto Honda Civic nwanr ti sorti dan zόn endistriel pour al ver erport lo highway.

Arivan vizavi pon Cascade i ti perdi kontrol son transpor, al bat dan de po fler e apre tap avek baryer feray e al fini lo kote semen ki vir avek lanmer.
 
Ler lapolis ti ariv kot landrwa sa aksidan ti’n arive, viktim ti’n fini ganny transporte Lopital Sesel par lanbilans.

Kondisyon sa viktim in ganny dekri konman kritik.

Lapolis ti ganny enformen lo sa lensidan ver 8.30 Mardi swar.

Lapolis in ouver en lanket dan sa aksidan.
 
****
 
Lapolis in raporte ki en madanm aze 58-an ki reste Cascade in admit Lopital Sesel apre ki in ganny tape avek en loto vizavi ansyen Zarden Zanfan dan zanmerant Libreri Nasyonal yer apremidi.

Sa lensidan ti ganny raporte avek lapolis ver 12er30 apremidi.

Dapre  lenformasyon sa  madanm ti pe koup semen ansanm avek de lezot dimoun ki ti arete ler zot ti vwar transpor pe vini e li i ti kontinyen koupe, e se la kot drayver – en zonm 30-an ki reste Pascal Village – dan en Toyota Starlet ti tap li.

Ler lapolis ti ariv kot lensidan ti’n arive sa viktim ti’n fini ganny transporte lopital. Dapre ners lopital sa madanm ki ti’n ganny anmennen dan lasal loperasyon in kas son de lebra, son de lazanm e osi ganny dimal dan likou.  

Kondisyon sa viktim in ganny dekri konman stab.

» Back to Archive