Lensidan foular kot lekol segonder Anse Boileau |24 July 2014

Lapolis pe fer lanket dan en lensidan ki ti ganny raporte yer e ki ti ariv kot lekol segonder Anse Boileau.
Dapre rapor ki zournal Nasyon in gannyen avek portparol lapolis, Msye Jean Toussaint, en ansennyan sorti Sri Lanka ti raporte ki son bann etidyan ti pe esey pann li.

Dapre Msye Toussaint, sa ansennyan madanm ti annan en foular dan son likou e letan i ti pe debout devan laport e obor en lafnet ki ti ouver, de etidyan ti may sak bout son foular dan zwen lafnet san ki li i ti remarke. E ler sa ansennyan ti vire pour ale, son foular ti ser son likou e i ti raport sa lensidan avek lotorite lekol.