Follow us on:

Facebook Twitter LinkedIn YouTube

Archive -Entertainment

Pascal Ally I lans en nouvo albonm |17 April 2014

Apre 5 labsans lo lasenn lanmizik Pascal Ally I lans son katriyenm albonm ki annan pour tit ‘Nou bezwen bouze’.

Sa albonm ikonpri 14 sanson ki annan 3 parmi kip e ganny resante e sa i ‘lo later’, tiray laservey avek danre. Tou sanson lo sa albonm in ganny ekri par Pascal li menm e bann still lanmizik i varye parey tel ki rege,sege  e sega.

E i osi annan lezot artis ki sante lo sa albonm, Shane Farabeau e Mina Telemaque i fer “Vocal Backing”.

Bann sanson i baze lo laspe lavi, e bann sitiasyon ki ki arive dan lavi toulezour. E lansman pour ganny fer Avril le 21.

"Sa travay in pran mwan bokou letan pur fer menm si mon rankontre difikilte, defi finalman bondye in pitye ki mon rev in realize e mon swete ki sa travay i ava anmenn lazwa pour tou Seselwa." Pascal ti dir.

Pasacal ti osi dir "Nou bann mizisyen nou pas konman bann edikater vi ki nou pas bann mesaz dan nou sanson.

Mwan, mon obzerve e fer bokou reser pour ki mon kapab fer en travay onivo vi ki avek sa bann "award" lanmizik in ganny son plas dan lasosyete"

Pasacl i remersye tou bann ki ed li pour kapab realiz son travay.

Konsey Nasyonal pour Lar i konsey manm piblik pour promot bann artis orizinal alors pa manke pour aste ou kopi orizinal ki pour ganny vann dan bann landrwa labitid tel ki Rays Music Room, Kot Do e Pascal pour osi pe vann son travay dan lanmen.

 

 

 

» Back to Archive